Nedelis atskots (26.11.-02.12.)

OLYMPUS DIGITAL CAMERAInceresnuokī nūtykumi itymā nedelī rysynovās tuos ūtrajā pusē. Pīktdiņ ari nūsaslēdze pīsasaceišonys laiks iz muna paleiga vītu, niu teik caurskateiti visi 17 kandidati i raudziesim vysdreižuokajā laikā ari snēgt izviertejuma rezuļtatus.

Pyrmudiņ, ūtartdiņ i trešdiņ takūši dorbi komisejuos, frakcejā i Reformu partejis vaļdē. Trešdiņ laikroksts „Diena” sovuos lopuos puorpubliceja vīnu īrokstu nu muna twitter konta (http://t.co/QMTohaww) i LNT reita raidejums tū pamaneja presis apskotā i otkon skali izstuosteja ideji par īspiejamū loterejis reikuošonu visim pierkumu čekim, leidzeiga sistema jau asūt Gruzejā (http://www.tvnet.lv/online_tv/25227-900_sekundes_20121128 52.min.).

Caturtdinis plenarsēdē pa vydu daudzajim citim svareigim lykumim, tyka apsprīsta prīškvieliešonu lykuma redakceja nu jau trešajā, galeigajā lasejumā. Eisu komentaru par regionalūs parteju jiedzīni daguo pasceit ari maņ: http://www.saeima.lv/lv/transcripts/view/147#d65

Tū pīfikseja ari Latvejis Televizeja sovā ziņu raidejumā: http://www.youtube.com/watch?v=ntl9aZqaghU

Atzeimiešu, ka eisu vīdūkli snēdžu ari īprīškejā, nu jau tuolajā, 22.novembra sēdē par pīlaidem Saeimys deputatim pi vaļsts nūslāpuma. http://www.saeima.lv/lv/transcripts/view/146#d53

Pīktdiņ nu poša reita devūs iz Daugovpili, kur tyka reikuota Latgolys Pietnīceibys instituta kasgadejuo konfereņce – itymā reizē eipaša uzmaneiba tyka pīvārsta naparostajim myusdīnu stuostim par Latgolu. Izstuosteju sovu pīredzi i sakruotūs nūvāruojumus, kai latgalīšu volūda i tuos jiedzīņs ir izmontuots Latvejis vaļsts politikā beidzamūs septeņu godu laikā – taitod apmāram nu 2005.gods.

Pasuokumā „Andrejdīna”Tuos pošys dīnys vokorā Rēzeknē tyka reikuots ari nu jau tradicionalais literari muzykalais pasuokums „Andrejdīna” – tymā ari pasadaleju ar sovu, tai sauktū, pādejūs godu literarū dorbu, kas beja eiss kūpsavylkums par munim īrokstim tymā pošā, nu jau daudz pīmynātā twitterī. Kai beiguos izaruodeja, tyku ari pi skateituoju simpatejis golvonuos bolvys! Pi reizis nūtyka ari grupys „Dabasu Durovys” albuma prezentaceja Rēzeknē.

Sastdiņ Rēzeknē nūtyka svineigs i eistyn latgalisks pasuokums – pi dyžan latgaliski-latviska vuorda tykuse ari leidz šam gona samūceitai sauktais „Austrumlatvejis koncertzals” – iz prīšku tei tiks saukta par Latgolys Viestnīceibu „GORS” – eipaši simboliski izaver ari ituo nūsaukuma saeisynuojums „LV GORS”. Seikuok par itū pasuokumu: http://lakuga.lv/2012/12/03/austrumlatvejis-regionalais-daudzfunkcionalais-centrs-rezekne-teik-pi-vuorda-%E2%80%9Egors/

Piec tam beju prīceigs izmontuot īspieji i izstaiguot tūpūšuo koncertzala telpys i apsavērt gon tūpūšūs akustiskūs zalus, gon cytys telpys. Saceišu gūdeigai – skots atsaver breineigs iz vairuokom Rēzeknes pusem. Vokorā arī breineigs koncerts par gūdu jau pīmynātajim vuorda dūšonys svātkim.

Itymā nedelī jau izsludynuots videodorbu konkurss par Latgolys stereotipu lauzšonu (http://lgsc.lv/lauz-stereotipus-par-latgali-i-latgalisim-video-konkurss/), pīktdiņ paradzāta daleiba konfereņcē par īspiejom samozynuot Saeimys izdevumus, tod aicynuojums iz Lauku biblioteku atbolsta bīdreibys goda darbeibys nūslāguma pasuokumu Mālpilī, paraleli niu asu sajiems uzaicynuojumu pīsadaleit ari labdareibys koncertā Viļākā, iz kuru, Dīvamžāļ, laikam navariešu paspēt. Vokorā planavoju byut Rēzeknē. Sastdiņ labdareibys pasuokums Bolvūs i jaunīšu goda bolva Kuorsovā. Par tū vysu drusku seikuok jau cytys nedelis puorskotā.

Advertisements
Šis ieraksts tika publicēts Nedelis atskots, Saeimys dorbs. Pievienot grāmatzīmēm tā pastāvīgo saiti.

Komentēt

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Mainīt )

Google+ photo

You are commenting using your Google+ account. Log Out /  Mainīt )

Twitter picture

You are commenting using your Twitter account. Log Out /  Mainīt )

Facebook photo

You are commenting using your Facebook account. Log Out /  Mainīt )

Connecting to %s